شاصنم بو سوزی آیداندان سونگ , اوزونی دریاقا تاشلاماقچی بولدی , شوندا آقجا شاصنمه کونگول لیک بریب بیر غزل آیتدی : آیرالیق دیگانینگ تنگری قسمتی * نیچون بوینونگ بوروب ملول بولار سن ؟
دوقیزییلدیر ,من هم چکدیم محنتی * نیچون بوینونگ بوروب ملول بولار سن؟
آیرالیق دردیندن هرگیز گولمه دیم * قیزیل گل دک, آچیلیبان سولمادیم
من یاردان آیریلیب ملول بولمادیم * نیچول بوینونگ بوروب ملول بولار سن ؟
قمری دییان بیر عجایب قوش بولار * پرین تارتسنگ گلر,تنی بوش بولار
اولمگن قول بیر بیرینه دوش بولار * نیچون بوینونگ بوروب ملول بولار سن؟
اوزاق یولا دوشن آخر گوروشر * عاشق ایشی معشوق بیلن یاراشار
آیرا دوشن بیر بیرینه قاویشار * نیچون بوینونگ بوروب ملول بولار سن ؟
مانگا آقجا دییرلر , آدیم گل نهال * فانی دنیا , پایانی یوق بیگمان !
اوناب گولوب سن غریبینگ کونگلون آل * نیچون بوینونگ بوروب ملول بولار سن؟
سونگ شاصنم بیلن گل نهال کنیزلرینگ یانینا باردیلار .شاصنم قایغیلیدی هیچ سوزله مزدی , غیزلاردان بیری گلینگ بیز هم عاشیقلیق دان سوزله شیلینگ , بلکی شاصنم هم بیزه قوشولار , دیدی . اونلارینگ آراسیندا آی جمال آدلی بیر غیز باردی . آی جما , علی بگ دییان بیر ییگیده عاشق بولوب دی , اول شاصنمه قاراب : ای شاصنم , عاشقلیق حاقیندا بیزدن هم بیر سوز اشیت ! دییب بیر غزل آیتدی :
ای صنم, مجروح اولوب من یاردان آیریلیغالی
بلبلی شوریده من , گلزاردان آیریلغال
بیر لطافت گل بنی بیچاره دن آیریلغالی
آغزی پسته لفظی خوش رفتاردان آیریلغالی
*********
بولمه غای هیچ ایش خدای دان بی سبب ای دوستلار
تنگری قیلمیش روزگاریگه سبب ای دوستلار
دینماین قان یغلاسام دیمانگ عیب ای دوستلار
حوضی کوثر هم ینه ساقی خماردان آیریلغالی
********
محنت ایامیندا دینمای آقادیر گوزدا یاشیم
دوشمانا کار ایله مز هر گوندا قیلیان قارغیشیم
تیترادیر آرض و سمانی دردی غمدان نالیشیم
حالیمی شرح اتماگه یوقدیر یانیمدا بیر کیشیم
یکه من , بیر واقفی اسراردان آیریلغالی
********
دینماین قان آغلارام هر یان یوروب یولغا باقیب
آغلارام هر گیجه لر, باغریم اریب سو دک آقیب
اول نگارینگ حسرتیندا اولمیشم جانیم یاقیب
ای مسلمانلار , منی یاردان آیردی شوم رقیب
قالمادی طاقت مانگا , دلداردان آیریلغالی
********
بختیمی گوردیم قارا , هر یرده آچدیم حسب حال
نو شکفته گل لریم , اوردی خزان یتمای کمال
یتمه دی مقصدینا , تنگری اونگا بردی زوال
نیله سین , اوز حالینا آلدینگدا یغلار آی جمال
علی بگ آدلی خوش سخن گفتار دان آیریلغالی
*********
اوندان سونگ شاصنم , کنیزلر بیلن سوزلشیب , بیر آز آچیلشاندان سونگ , کوشگه قایتدی . آرادان بیر ناچه گون گچدی . بیر گون ارتیر ایر بیلن بایرام گونی, دییلن گیجه ع شاصنم دویشیندا غریبی گوردی . شاصنم گل نهالا : ای گل نهال , حالقینگ آراسیندا غریب اولوبدیر دییارلار , , من دویشیمدا غریبی گوردیم اگر اولان بولسا , دویشیمه گیرمزدی , سن بیر یولونگ اوغرینا چیق , بلکی غریب دان بیر یاخشی خبر باردیر .دیدی . گل نهال یولا چیقدی گورسه , بیر بولک کروان گلیب دیر . گل نهال , شاصنمه خبر بردی . شاصنم کرونینگ یانینا باریب غریب دان خبر سورادی . سونگ بیر کنیز شاصنمینگ یانینا گلیب : غریبینگ اولنینی منینگ آقام گوروب دیر دییب خبر بردی . شاصنم بو خبری اشیدن سونگ گل نهال بیلن غریبینگ انه سی آبادانینگ یانینا باردی . غریب حقیندا اشیدن سوزونی آبادانا خبر بردی . غریب شیرواندا اولیب دیر دییب همه یره یایرادی . غریبینگ قوم قارینداشلاری همه سی یغنانیب یاس توتوب ناله ادیب آغلادیلار .
سونگ شاصنم :غریبینگ اولانینی اوز گوزوم بیلن گوروب , اونونگ قبرینینگ باشیندا بیر ناجه گون پاسبانلیق ادمه سم بولماز دییب بیر غزل آیتدی :
ایندی من گیدر من حلب شیروانا * اون سیز بو اولکه ده قرار اتمه نم
ذره قایغیرمانام ایندی بو جانا * یار سیز بو یرلرده مدار اتمه نم
باریب یاسسانایین یارینگ مزارین * دولدوردی بازارا عشقینگ آزارین
تنگری یاقسین اودا بکردیارین * بو یرلرده قایدیب گذر اتمه نم
یاریم توتدی حلب شیرواندا وطن * دنیادا بارمیقا بیزلر دک اوتن ؟
جانیم چیقیب تو فراق بولینچا بو تن * اوزگه بیلن صحبت برار اتمه نم
زمانا بولوب دیر گون گوندن بتر * گوندا یوز خیال لار باشیمدان اوتر
فراقینگ اودونا یانغانیم , یتر * ایندی زهر ایچسم , خمار اتمه نم
صنم آیدار اودا یاندیم جهاندا * من هم بو یرلرده قرار اتمه نم
شیله ده , بابا خان آدلی سوداگاری , شاصنم اوزینینگ یاقین آداملارینان حساب ادردی ! شاصنم اونونگ یانینا باریب : ای باباخان منی حلب شیروانا آلیب گیت دیدی . اوندان سونگ شاصنم آتاسینان , قیرق گون بابا خان بیلن شکارا چیقماغا رخصت ایسله دی ؛ شاعباس صنمینگ , بابا خان بیلن گیتمه گینه رخصت بردی . گل نهال : ای شاصنم شیروانا بارسانگ منینگ حالیمی ازبر خوجا بیان اد , دییب شاصنمینگ یول اسبابینی تایارلادی .
سونگ شاصنم بابا خان بیلن یولا اوغرادی . بیر ناچه گون یول یورانلریندن سونگ , باباخانینگ فکری اویتگاب : من شاصنمی باشغا بیر یوورده آلیب باریب سونگ اوزوم آلایین ؛ دییب فکرلندی . شول فکر بیلن شاصنمی قزاق ولایتینا الیب گیتدی . بیر ناچه گون یول یورانلریندن سونگ , اوزاقدان بیر منارا گوردی . اول گورونیان منارا نیرانینگ مناراسی ؟ دییب سورادی .
باباخان : اول شیروانینگ ولایتینگ مناراسی دیدی . شاصنم :غریبینگ بولیان مکانینا گلدیم دیدی . شول یرده باباخان اوز فکرینی شاصنمه مالیم اتدی : ای شاصنم جان ! اولی آرسلاندان , دیری سیچان یاخشی , دییب دیرلر . من سنی قزاق ولایتینا آلیب گلدیم . سن منی قبول اتسنگ دیدی . بو سوردن سونگ شاصنم اوز اوزینه بیر غزل آیتدی :
کونگلوم ایندی گچگیل فانی دنیا دن * بیر مرشید قولینی توتماسام بولماز !
ایندی ال گوته ریب هوا هوسدن * باش آلیب بیر یانا گیتمه سم بولماز !
یاریم گورمک تنگری تقدیر اتمه سه * جان باریندا جسد یارا یتمه سه !
بابا خان شاطیر هم سوزون توتماسا * گوز یوموب دنیادن اوتمه سم بولماز !
فلک قویماز باریب بیله بولماغا * یار یانیندا , اوز قبریمی سالماغا
بو یره گتیرمیش , منی آلماغا * من اونونگ باشینا یتمه سم بولماز !
حلب دییب گتیردی قزاق دوشونا * منی آلماق اوچین کونگول خوشینا
من مونینگ عمرنینگ اوجار قوشونا * تور, قوروبان اونی توتماسام بولماز
شاصنم دییر , شکر ایله بو دفه * بو یرده گلدیم دییب ذره غم ایمه
ایندی مانگا گورمک یوقدیر هیچ دیمه * بیر یار اولکه لره گیتمه سم بولماز !
سونگ , شهره یتمان بیر حوضینگ باشیندا دوشدیلر . شاصنم , باباخانینگ الینه قیرق تنگه بردی : ای باباخان , اگر منی آلماقچی بولسانگ , شهره قیرق یولاب باریب , هر بیر بارانینگدا بیر حیلی طعام آل , اوندان سونگ من سانگا بارماغنا راضی بولایین دیدی .باباخان قیرق یولاب شهره باریب گلدی . هر گلنده بیر حیلی طعام آلیب گلدی . سونگ باباخان شاصنمه میل ادیب باشلادی . شاصنم : ای باباخان ایندی بولمادی . سن بو حوضدا بیر یونوب چیق , دیدی . باباخان اوزونی آراسسه لاماق اوچین حوضه گیردی . شاصنمینگ یانیندا , احتیاج اوچین زهر باردی . شاصنم حوضا زهر دوکدی , باباخان شول بادا بدنی قاتاب , جانی چیقدی . سونگ شاصنم ارکک لباسینا گیریب , شول یردن اوغراماقچی بولدی .
شاصنم غریبی ایزلاب گیجه گوندیز دیمان , شهر به شهر گریاردی , بیر گون گیجانینگ یاریندا بیر شهره یتدی . بیر کوچه دن باریاقا , شهر ساقچی لارینا دوش گلدی . قورقوب قاچدی بیر تامینگ اوستونه چیقدی , ساقچیلار اونی توتوب زندانا تاشلادیلار . شاصنم زنداندا اوتوران یریندن بیر غزل آیتدی :
غریب دوستیم سنینگ اوچین * یاخشی گونوم یامان بولدی
زلیخا دییب یوسف کمین * منزلگاهیم زندان اولدی
مسافرلیق دوشدی باشا * زار اولدوم قومی قارداشا
دوشمه دیم یاقین سیرداشا * بو زمان , نه زمان اولدی
غم فراقیندا قالیب من * سارغاریب گل دک سولوب ممن
یوز مونگ تهمته قالیب من * سود ایشلریم زیان اولدی
فلک سالدی یوز مونگ درده * زار اولدوم هر بیر ناماردا
یار ایستاب , دوشدیم بو یوورده * قوتولمادیم گمان اولدی
صنم آیدار مسکین باشیم * دینمای آقار گوزده یاشیم
بو چاه ایچینده یولداشیم * ییلان بیلن سیچان اولدی
زندان ساقچیسی , شاصنمینگ زارینی اشیدیب , پادشاغا باریب : ای کرملی پادشاهیم , یاقین گونلرده بیر آدم زندانا دوشیب دیر . اونونگ ناله سیندان هیچ کیم دوروب بیلمه یار دیدی . پادشاه:شول آیدیان آدامینگی زنداندان چیقاریب , منینگ یانیما آلیب گل ! دییب بویروق بردی . ساقچی دررو شاصنمی پادشانینگ یانینا آلیب گلدی . پادشاه شاصنمه قاراب : ای یگیت هایسی باغینگ گلی سن ؟ هایسی چمنینگ بلبلی سن ؟ نیردن گلیب نیرا باریارسینگ ؟ دیدی . شاصنم اوز حالینی غزل بیلن پادشاغا خبر بریب آیتدی :
بیر گوزل یارینگ داغیندان * توکنمز هجرانا دوشدیم
مجنون کمین ایستاب لیلی * چولدن چولستانا دوشدیم
بولمادی هیچ کیشی همدم * ایشیم بولدی گوندا ماتم
یاخشی لیق گورمه دیم بیر دم * گون گوندن افغانا دوشدیم
آخر اولور من بو غمدن * دردیم آرتار, دم به دمدن
آیریلدیم آتام انم دن * جبر ایله بو یانا دوشدیم
بیر شاطیر گتیردی موندا * من شاه ایدیم اوز یوردیمدا
میر شب , توتوب قیلدی بنده * تهمت دن زندانا دوشدیم
آندا بولسام آزادا من * بیر پریگه دلداده من
عباس اوغلی شاهزاده من * گلیب باغری قانا دوشدیم
سونگ پادشاه شاصنمی اوز یانیندا جای بردی ! سونگرا بولسا کونگونلیک بریب : ای شاهزاده ار باشینا کوپ ایشلر دوشوب بیلر , اونونگ اوچین غمگین بولمانگ , بیر ناچه گون دینچ آل دیدی.
سونگ شاصنم اوز یووردینا گیتمک اوچین , پادشاه دان رخصت ایسله دی , پادشا اوز آداملارینان بیرینی شاصنمینگ یانینا قوشوب اونی اوغراتدی .
سونگ شاصنم دیار بکره گلدی , یانیندان ایبرلینن آداما انعام بریب , ایزینا اوغراتدی , اوندان سونگ شاصنم اوز باشیندان گچن لری , گل نهالا بیان اتدی .
موندان سونگ آرادان سونگ بیر نیچه وقت گچدی . بیر گیجه گل نهال دیش گوردی , دیشیندا غریبینگ دیری لیگی اونگا عیان بولدی . گلنهال گورن دیشینا خوش بولیب ایلغاب باریب شاصنمه : غریب جانینگ ساغ دیر اولن دگیل دیر , دییب گورن احوالینی , بیر بیر بیان اتدی , شاصنم : ای گل نهال جان , سن همه یرده منینگ کونگلومینگ آرامی سن ع سینامدا یانان اودلار , سنینگ شفاعتلی سوزلرینگدن تسلی تاپدی , سن منسنگ جانیم یاقین سیرداشیم سن . خدایم ایکیمیزی هم مقصد مرادیمیزا یتیرسین . دیدی .
گونلردن بیر گون شاعباس , شاصنمی شاولید دیین , قوشون سرکرده سینا , برمگی یورگینه دودی . شاعباس : غیزیم شاولیدی اوزونه قبول اتسین , دییب شاصنمه آدم ایبردی . شاه عباسینگ ایبرن آدمی باریب بو خبری شاصنمه آیتدی . شاصنم : اگر ده من شاولیده گرک بولسام , اول یدی آیلاب گیجه گوندیز , توی اتسین . دیدی . شاصنمینگ بو سوزی آیتماقدان مقصدی اونونگ کونگلونه شیله فکر گلدی : غریب بیلن ادن یدی ییل وعدامدن , ینه یدی ییل قالیب دیر . یدی آی ادیلجک توینگ داباراسی , یدی ییل لیق یولا باریب یتر . اگر غریب دیری بولسا , بو توینگ داباراسینی اشیدیب , گلر ؛ دیدی . شاولید , شاصنمینگ بو تکلیفینی قبول ادیب , یدی آی توی توتماغا راضی بولدی . و توی باشلاندی . دیار بکرینگ اولی کیچی , سازاندا گوینده سی جمع بولوب , شاصنمینگ کوشگی نینگ تورهگینده قوش باسیب یاتیبردیلر . توی تماشا ساز صحبت باشلاندی ,
گونلردن بیر گون , دانگ آتان زمانی شاصنم اوقی دان اویاندی اول : شاولید نیچه آیدان باری توی توتوب یور , اونونگ مهلتی دولماغا نیچه وقت قالیبدیر ؟ دییب , حساب ادیب گوردی , گورسه سانا گلجک گون قالیبدیر . شاصنم بیطاقت بولوب تووره گینه سر اتدی , کوشگینینگ همه طرافیندا آداملار یاتیر , سحر شمالی اسیاردی . شاصنم غریبینگ یولینا قاراب بیر غزل آیتدی:
اسیب , اوتیب گیدن سحر شمالی /منینگ عرضیم سوار یارا دیگه سن !
برق اوریب آچیلان تازه گلزاری /خزان اوریب دوندی خارا دیگه سن !
داغلارینگ باشینی آلیب دیر دومان /یالانچی دونیاده ساغ بولسا آمان !
یاقاسی دومه لی ابروسی کمان /منینگ آغلاغانیم زارا دیگه سن
منینگ یاریم فراحتده یاتیب دیر /عشقینگ اودی سونمای جاندان اوتیب دیر
نه تیکندیر , جگریمه باتیب دیر /دولیب دیر یورگی قانا دیگه سن !
ایت لر قل اوزاتمیش بو گلستانا /گورن آدم حیران قالار مستانا
غریب عاشق شاصنمی ایستانا /بارسنگ بیر بیر سوار یارا دیگه سن !
سونگ گل نهال اوقی دان اویاندی . شاصنمینگ آوازینی اشیدیب اونونگ یانینا باردی : ای شاصنم , بو بولوب یورشینگ عیب دیر , سنی نامحرم لر اشیدر ! دییب اونونگ قولوندان توتوب آلیب قایتدی .
ایندی بولسا سوزی , ازبر خوجه دان اشیدیلینگ . ازبر خوجه حذمتچی لرینی , مال لارینی ناچه گون اونگ دیار بکره ایبریب دی . ازبر خوجا نینگ بیر یل مایه سی باردی . اول آلتمیش گونلیک یولی , اوچ گوندا یورار میش . حذمت چیلرینینگ گیدنینا آلتمیش گون دولماغا , اوچ گون قالاندا , ازبر خوجه حلب دن چیقدی . کروانینینگ ایزیندان یتدی . دیار بکر یانیندا بیر بیک لیگینگ اوستونه چیقدی و پسه دوشدی . کنیزلر اونی گوریب گلیب شاصنمه خبر بردیلر . اونینچا ازبر خوجه یل یالی بولوب کوشگینگ یانینا گلدی , گورسه شادیانلیق , توی ادلیب دور . شول وقتدا شاصنم , گلنهال بیلن کنیزلر جمع بولوب کوشگینگ اوستونه چیقدیلار .
ازبر خوجه صنمی گوروب آداملارا قاراب : ای یارانلار , حیف کی بو تویدا منینگ قولومدا سازیم یوق , بیر تایاق آلیب بیر سوز آیتسام بولماز می ؟ دیدی . آداملار : کوپ یاخشی بولار , هانی آید , دیدیلر . ازبر خوجه الینه بیر تایاق آلیب شاصنمینگ کوشگینینگ ایشیگینده دوروب , بیر غزل آیتدی :
حلب دن گلمیشم بیر یار یتیریب /یاریمینگ آدینا گل نهال دییرلر
قایغی غصه بیلن عمریم اوتوریب /یاریمینگ آدینا گل نهال دییر لر
چاشگه محال گلدیم حلب دن موندا /آلتمیش گونلیک یولی آلدیم اوچ گونده
یار سوراغین تاپدیم صنم کوشگیندا /یاریمینگ آدینا گل نهال دییرلر
نیچه ییلدیر کویدوم یارینگ عشقینا /چاشگه محال گلدیم صنم کوشگینا
روحم تازه بولدی عنبر مشکینا /یاریمینگ آدینا گل نهال دییر لر
آلتیندان بزه میش کوشگینی صنم /عرضی حال آیدارایوق آتام انام
یارینی یتیرن , سرگزدان منم /یاریمینگ آدینا گل نهال دییرلر
شاعباس یاریما غیزیم دیمیشدیر /صنمینگ کوشگینه گوندریلمیشدیر
آقجا گلین دیمک نه یامان ایشدیر /یاریمینگ آدینا گل نهال دییرلر
ازبر حوجا دییر , بزرگن ایدیم /عمریم خوش گچیرن بیر کرون ایدیم
بیر یارینگ عشقیندا سرگزدان ایدیم /منینگ هم آدیما ازبرجان دییرلر
شاصنم ازبر حوجا دان بو سوزی اشیدن بادینا , کوشکدن دوشوب , غریبی سوراب بیر غزل ایتدی , ازبر حوجا هم جوغاب بردی :
شاصنم :
بزرگن لر باشی گل یوزلی خوجام /گورسنگ, بیلسنگ , غریبیمدن خبر بر !
راستنگی سوزله گیل چین سوزلی خوجام /گورسنگ , بیلسنگ , غریبیمدان خبر بر !
ازیر :
صداقانگ بولویین گل یوزلی صنم ! /صبر اده گور , ساغدیر , گلر غریبینگ
کوپ یری سیر ادیب گلمیشیم منم /صبر اده گور , ساغدیر , گلر غریبینگ
شاصنم :
سوزله, خوجام , اوزونگ قایدان گلر سن ؟ /چهار طرافدان نیچیک خبر بیلر سن ؟
چین سوزله گیل , خوجام یوقسا اولر سن؟ /گورسنگ, بیلسنگ, غریبیمدان خبر بر !
ازبر :
قیلمیشیم نه بولدی , نه دیر گناهیم ؟ /مسکنیم اوزاقدیر , حلب دیر جایم
دادینگا یتیشسین قادیر خدایم /صبر اده گور, ساغدیر, گلر غریبینگ!
شاصنم:
کیشی نینگ سودیگی شیله بولار می ؟ /اوال سویوب سونگرا گوزدن سالار می ؟
یارینگ شیله آغلادیبان قالار می ؟ / گورسنگ, بیلسنگ, غریبیمدان خبر بر !
ازبر :
یدی ییل دیر ,هرگیز, اویناب گولن یوق / مندی اوزگه کیشی سیرداش بولان یوق
صنم جان , غم چکمه , غریب اولن یوق / صبر اده گور, ساغدیر , گلر غریبینگ
شاصنم :
اوزین اوزین بلند داشلار آشدیمی ؟ / هجرانینگ اودونا , کویوب بیشدیمی ؟
یا کی فلک اوروب , بنده دوشدیمی ؟ / گورسنگ , بیلسنگ,غریبیم دان خبر بر !
ازبر :
صنم سیزینگ بیلن بیله قارداش بولالی / غریبینگ ایزیندان سوراغ سالالی
یارینگی قاوشوروب, یاریم آلالی / صبر اده گور , ساغدیر, گلر غریبینگ!
شاصنم :
قبول اتسنگ خوجام , بولالی قارداش / گوزلریمدن آقان قانلی دولی یاش
حلب سیروان گیتسنگ,بولالی یولداش / گورسنگ,بیلسنگ, غریبیمدان خبر بر !
از بر :
بیزینگ بیلن گیتسنگ , آتانگیز بیلر / حکم ادر , بگلره , قورتار مار آلار
بیزه شوم اولومینگ اسنادی قالار / صبر اده گور , ساغدیر گلر غریبینگ!
شاصنم :
منینگ صبر ادره یوقدیر قاراریم / سویمیشم بیر یاری , یوق نامیس عاریم
یارادان بیری بار بولسون پناهیم / گورسنگ, بیلسنگ, غریبیم دان خبر بر !
ازبر :
مسکنیم حلب دیر, آدیمیز ازبر / اوال تورور محمد جهانا سرور
غریب اوچین آقجا گلینی نذر بر ! / صبر اده گور , ساغدیر گلر غریبینگ
شاصنم :
خوجا , رحمینگ گلسین , شاصنم غیزا / تک قالیب, آقجانی برمنم سیزه
آقجا دیسنگ , گتیر غریبیم بیزه / گورسنگ, بیلسنگ, غریبیم دان خبر بر !
شاصنم ازبر خوجانی کوشکینه آلیب باردی , گل نهال بیلن شاصنم , ازبر خوجاغا دورلی ناهار لار تایارلاب , بیر نیچه گون اونگا عزت حرمت اتدیلر .
سونگ ازبر خوجا , شاصنم دن آقجانی برمگینی ایسلدی , شاصنم ازبر خوجا نینگ , اول غریبی گتیریب بریب , سونگ آقجانی آلیب گیتمگینی توقع اتدی . ازبر خوجا هم غریبی تاپیب , گتیریب برماگه راضی بولدی . سونگ شاصنم , ازبر خوجا کوپ زر بریب : ای خوجا , موندان حلب شیروانا بار , اولی توی بر , همه سازاندا گوینده لری یغنا , غریبینگ تاپماغینگ علامتی شول بولار . شا صنمدا , غریبینگ بیر پیچاقی هم دستمالی یادگارلیک قالیبدی , اونی ازبر خوجا بردی . ینه اوزونینگ بیر یوزوگینی , بللیک اوچین بردی . سونگ , ازبر خوجا حلب شیروانا اوغراماقچی بولدی . غریبینگ تیز گلمگینی ایسلاب . شاصنم اونگا قاراب بیر غزل آیتدی :
موندان گیدر بولسانگ حلب شیروانا / بارسانگ سلام دیگیل , گلسین غریبیم !
حسرتیندان بولدوم دالی دیوانا / بارسانگ سلام دیگیل , گلسین غریبیم !
بزرگن خوجاسی,مکه حاجی سی / آغزیمی تلخ اتدی فرقات آجی سی
آغلاماقدان کور بولوب دیر باجی سی / بارسانگ سلام دیگیل , گلسین غریبیم
یاشیل باشی اوچدی,قالدی صونا سی / هجران چکیب , عشق اودونا یاناسی !
آغلاماقدان کور بولوب دیر انه سی / بارسانگ سلام دیگیل گلسین غریبیم !
بزرگن خوجاسی یوکین باغلادی / صنم روی مال آلیب گریان آغلادی
کسیب قارا باغرین اودا داغلادی / بارسانگ سلام دیگیل , گلسین غریبیم
بوگون شاولیدینگ تویون تودیلار / آط اوینه دییب آلتین قاباق آتدیلار
شاصنمی , شاولیده , چاتدیلار / بارسانگ سلام دیگیل , گلسین غریبیم
خوجا بارسانگ یالانچینینگ یانینا / یانار اودلار سالغین اونونگ جانینا
اوتوزا ایکی گون قالدی توینگ شانینا / بارسانتگ سلام دیگیل , گلسین فریبیم
آتام انم , قاولادیلار , گیتمه دیم / آق یوزومه پرده لریم توتمه دیم
شاولیدی هرگیز قبول اتمه دیم / بارسانگ سلام دیگیل , گلسین غریبیم
یدی ییلدان سان لیجیا گون قالیبدیر / شاولید دیلیمدن وعده آلیبدیر
گل یوزوم سارغاریب, رنگیم سولوب دیر / بارسانگ سلام دیگیل, گلسین غریبیم
یوره سه بیلینر عاشیقینگ ایزی / کور بولسون یومولسین رقیبینگ گوزی!
آدیم شاصنم دیر , شاعباس غیزی / بارسانگ سلام دیگیل , گلسین غریبیم
چشمه سی:تهران تورکمن لرينگ سايتی
